Muros en linogravado- Ita
![Lámina de Muros](https://freight.cargo.site/t/original/i/74e9100ec2817dbaf38e332f91346bcea7b2c1a222e30b69e1f57be77c224a6f/PUBLICACIN_DSC9111-1.jpg)
Intentar facer unha representación de Muros nunha lámina de linogravado non é algo doado, pero o conseguido superou todas as nosas expectativas.
Ita inspirouse para facer esta lámina no xurdir de Muros. Muros emerxeu do mar, e evolucionou a partir de él. O mar é a súa base e sustento, por este motivo o mar sostén a lámina.
Esta pequena vila mariñeira vivía case en exclusiva da pesca, por eso na representación toda a vila de Muros está enriba dunha embarcación típica muradana chamada canoa, aínda que igual de representativo poderían ser a buceta, xeiteira ou dorna.
No casco antiguo destacan as típicas casas mariñeiras con soportáis nos que en tempo atrás se arranxaban os aparellos de pesca e se poñía o peixe a salgar. Construídas con grandes sillares de pedra, estas casas contan tamén con amplias galerías porticadas na parte baixa e con balcóns corridos nas plantas superiores.
De Muros din que é un dos conxuntos medievais mellor conservados de toda Galicia. Por este motivo no grabado podemos observar o detalle das casas con grandes soportais de pedra, algunhas das igrexas máis representativas, un dos numerosos cruceiros que enchen o pobo outorgándolle carácter, a casa do concello, o mercado de abastos, e como representación dunha das prazas, a praza da pescadería, móstrase o máis senlleiro que é a antiga “fonte do lagarto”, na linografía devólveselle todo o explendor xa que se mostra como era nas súas orixes, un dragón alado.
A vella na popa vendo a estela do movemento do pobo chea de esperanza, ao igual que a embarcación, engalanada coas bandeiras de festa.
Muros ao norte, está escondida ao pé de monte Louro, e así se mostra na lámina, como protexendo todo o conxunto.
GALERÍA
![](https://freight.cargo.site/t/original/i/ef81f32df362fbbb83b9f1e9ad66dd6e0b82a158d5175343427d2306b091da7a/IMG_20240307_183335.jpg)
![](https://freight.cargo.site/t/original/i/773dcdf7320ae0e78204dd1fa26225c2bb46606d3cd3b72bf831e47c6072cbb2/IMG_20240307_183331.jpg)
![](https://freight.cargo.site/t/original/i/24d735b85ce0becbdfe59d4a30833240cdc22f3125556d1756ae2f0dd2d6ccb0/IMG_20240321_180248.jpg)
![](https://freight.cargo.site/t/original/i/7598f0c31929151d1991bae29ff0038cf1213258777544d1102721c9fd2c7f8e/DSC02198.jpg)
![](https://freight.cargo.site/t/original/i/61d0e62c6bf71797562f41383f3feedda99ed6f997ffba016b01b73987682ae9/DSC02865.jpg)